أبو العربى عايش معاكم اون لاين إبعت له و هو هيرد عليك ماشى إبعت دلوقتى
بموت فيكي يا حبيبتي .. البقاء لله يا حبيبي
أنا مؤمنة بان كل شيء في الدنيا دي نصيب و البني ادم اللي هرتبط بيه اسمه مكتوب في صحيفة القدر من قبل ما نتخلق و لما بحس ناحية حد باعجاب بحط في دماغي ان الاحتمال الأكبر انه ميرتبطش بيا و اننا هنفارق بعض في يوم من الايام عشان متعلقش بيه أو اتعب لو في يوم ارتبط باي بنت او مبقاش يكلمني تاني و طول عمري ماشية كدة في حياتي .. ايه بئا؟ مالي ؟ أول ما مبئاش يكلمني اتلخبطت و بقيت متضايقة ليه؟ و عمالة اقول يا ترى ياهل ترى ؟ مش المفروض اتلم ولا ايه؟ ولا شكلي دماغي تعبت ولا ايه النظام؟ بص انا بجد يا ابو العربي منكرش انه انسان مثالي بالنسبة ليا..وهو قاللي اني فيا كل اللي الواحد يحب يشوفه في مراته بس انا كل ما يكلمني احسسه اني كئيبة .. مش راضية ادي نفسي فرصة احسسه اني بحب الحياة .. وهو أكيد كرهني .. يكلمني عن العيد و الهدايا أكلمه عن الموت .. انا مش معقدة بس والله مش عارفة ليه مبيحلاليش غير و انا بكلمه أفتكر البؤس و الشقاء اللي في دنيتي يمكن عشان برتاح في الكلام معاه .. اهو دلوقتي مبقاش يكلمني خالص و شكله كرهني .. بس انا مش في ايدي غير اني اسيبه من نفسه يعرف اني مش كئيبة والله مش شرط ميكلمنيش تاني او يكلمني ..انا مش هزعل لو مكانش من نصيبي طبعا زي ما قلت في الأول .. بس بفتكر الكلام الحلو اللي كان بيقولهولي .. و ارجع اقول ماهو ممكن زي ما قالهولك يقوله لاي واحدة تانية .. مش شرط يكون بيلفت نظرك عشان تحبيه .. متبقيش عبيطة .. دلوقتي حسة انه كان فعلا عايز يلفت نظري و انا اللي مدتهوش الفرصة.. كل اللي شاغلني ليه مبقاش يكلمني تاني ؟ انا خايفة اكون اتعودت على كلامه معايا .. بتمنا يقوللي ازيك عاملة ايه .. و بالرغم من كدة عايزة اصحى في يوم الاقيه ارتبط بواحدة تانية خالص عشان ارتاح من التفكير بئا في الموضوع دة هو انا كدةاتجننت ياابوالعربي؟ مؤمنة
